Categories
حرکات کے بارے میں

تحریکوں کے لئے دعا کرنے کے کلیدی نکات

تحریکوں کے لئے دعا کرنے کے کلیدی نکات

– شوڈنکے جانسن –

چرچز کی تخم کاری کی کسی بھی تحریک سے پہلے ایک دعائیہ تحریک کا ہونا لازمی ہوتا ہے جس کے بغیر چرچ کی تخم کاری کی تحریک بیدار ہی نہیں ہو سکتی۔ ضروری ہے کہ اس مقصد کے لئے خُدا کے لوگ دعا اور روزے میں وقت گزاریں ۔ضروری ہے کہ ہم اپنے شاگردوں کو پورے دل سے دعا کرنا سکھائیں۔ اگر ہم چاہتے ہیں کہ ہمیں نارسا لوگوں میں کسی  قسم کی کامیابی ملے تو ہمیں ایک دعائیہ منسٹری اور دعا کرنے والے شاگردوں کی ضرورت ہے۔ دعا کسی بھی تحریک کے لئے ایک انجن کی حیثیت رکھتی ہے اور دعا کا مؤثر ہونا اس چیز پر انحصار کرتا ہے کہ ہم اُس دعا میں کیا مانگ رہے ہیں ۔

ذیل میں دعا کرنے کے 12 اہم ترین نکات دئیے جا رہے ہیں، جنہیں ہم مغربی افریقہ میں اپنی تحریکوں کے لئے استعمال کرتے ہیں ۔

دعا کریں :

  1. کہ خُدا فصل کاٹنے کے لئے مزدور بھیجے ۔کہ شاگرد سازوں اور دعا کرنے والوں کی تعداد میں اضافہ ہو ۔

اور وہ اُن سے کہنے لگا کہ فصل تو بُہت ہے لیکن مزدُور تھوڑے ہیں اِس لِئے فصل کے مالِک کی مِنّت کرو کہ اپنی فصل کاٹنے کے لِئے مزدُور بھیجے۔“(لوقا 10: 2 )

  • کہ خُدا لوگوں کے دلوں کو چُھو لے اور انہیں اپنی طرف کھینچ لے۔ 

اور ساؤُل بھی جِبعہ کو اپنے گھر گیا اور لوگوں کا ایک جتھا بھی جِن کے دِل کو خُدا نے اُبھارا تھا اُس کے ساتھ ہو لِیا۔” ( 1 -سیموئیل 10: 26)

یِسُوعؔ نے جواب میں اُن سے کہا آپس میں نہ بُڑبُڑاؤ۔ کوئی میرے پاس نہیں آ سکتا جب تک باپ جِس نے مُجھے بھیجا ہے اُسے کھینچ نہ لے اور مَیں اُسے آخِری دِن پِھر زِندہ کرُوں گا۔ نبِیوں کے صحِیفوں میں یہ لِکھا ہے کہ وہ سب خُدا سے تعلِیم یافتہ ہوں گے۔ جِس کِسی نے باپ سے سُنا اور سِیکھا ہے وہ میرے پاس آتا ہے۔“(یوحنا 6: 43-45)

اور سبت کے دِن شہر کے دروازہ کے باہر ندی کے کنارے گئے جہاں سمجھے کہ دُعا کرنے کی جگہ ہو گی اور بَیٹھ کر اُن عَورتوں سے جو اِکٹّھی ہُوئی تِھیں کلام کرنے لگے۔ اور تھواتِیرؔہ شہر کی ایک خُدا پرست عَورت لُدِیہ نام قِرمز بیچنے والی بھی سُنتی تھی۔ اُس کا دِل خُداوند نے کھولا تاکہ پَولُس کی باتوں پر توجُّہ کرے۔“(اعمال 16: 13- 14)

  • کہ خُدا خوشخبری کی منادی کے لئے دروازے کھولے ۔

اور ساتھ ساتھ ہمارے لِئے بھی دُعا کِیا کرو کہ خُدا ہم پر کلام کا دروازہ کھولے تاکہ مَیں مسِیح کے اُس بھید کو بیان کر سکُوں جِس کے سبب سے قَید بھی ہُوں۔ اور اُسے اَیسا ظاہِر کرُوں جَیسا مُجھے کرنا لازِم ہے۔“(کلسیوں 4: 3-4)

  • کہ سلامتی کے فرزند ملیں ۔

اور جِس گھر میں داخِل ہو پہلے کہو کہ اِس گھر کی سلامتی ہو۔ اگر وہاں کوئی سلامتی کا فرزند ہو گا تو تُمہارا سلام اُس پر ٹھہرے گا نہیں تو تُم پر لَوٹ آئے گا۔ اُسی گھر میں رہو اور جو کُچھ اُن سے مِلے کھاؤ پِیو کیونکہ مزدُور اپنی مزدُوری کا حق دار ہے۔ گھر گھر نہ پِھرو۔“(لوقا 10 : 5-7)

  • دعا کریں کہ دشمن کے سارے قلعے اور جھوٹ ٹوٹ پھوٹ جائیں۔ 

کیونکہ ہم اگرچہ جِسم میں زِندگی گُذارتے ہیں مگر جِسم کے طَور پر لڑتے نہیں۔ اِس لِئے کہ ہماری لڑائی کے ہتھیار جِسمانی نہیں بلکہ خُدا کے نزدِیک قلعوں کو ڈھا دینے کے قابِل ہیں۔ چُنانچہ ہم تصوُّرات اور ہر ایک اُونچی چِیز کو جو خُدا کی پہچان کے برخِلاف سر اُٹھائے ہُوئے ہے ڈھا دیتے ہیں اور ہر ایک خیال کو قَید کر کے مسِیح کا فرمانبردار بنا دیتے ہیں۔“(2 -کرنتھیوں 10: 3-5)

  • کہ خُدا خوشخبری کا پیغام پھیلانے کے لئے ہمت اور جرأت عطا کرے۔

اب اَے خُداوند! اُن کی دھمکِیوں کو دیکھ اور اپنے بندوں کو یہ تَوفِیق دے کہ وہ تیرا کلام کمال دِلیری کے ساتھ سُنائیں۔ جب وہ دُعا کر چُکے تو جِس مکان میں جمع تھے وہ ہِل گیا اور وہ سب رُوحُ القُدس سے بھر گئے اور خُدا کا کلام دِلیری سے سُناتے رہے۔“(اعمال 4: 29،  31) 

  •  کہ شاگرد بنانے والوں کو نیا مسح ملے اور روح القدس کی قوت حاصل ہو ۔

خُداوند کا رُوح مُجھ پر ہے۔ اِس لِئے کہ اُس نے مُجھے غرِیبوں کو خُوشخبری دینے کے لِئے مَسح کِیا۔ اُس نے مُجھے بھیجا ہے کہ قَیدِیوں کو رِہائی اور اندھوں کو بِینائی پانے کی خبر سُناوُں۔ کُچلے ہُوؤں کو آزاد کرُوں۔“(لوقا 4: 18)

اور دیکھو جِس کا میرے باپ نے وعدہ کِیا ہے مَیں اُس کو تُم پر نازِل کرُوں گا لیکن جب تک عالَمِ بالا سے تُم کو قُوّت کا لِباس نہ مِلے اِس شہر میں ٹھہرے رہو۔“(لوقا 24: 49)

لیکن جب رُوحُ القُدس تُم پر نازِل ہو گا تو تُم قُوّت پاؤ گے اور یروشلِیم اور تمام یہُودیہ اور سامرؔیہ میں بلکہ زمِین کی اِنتِہا تک میرے گواہ ہو گے۔“(اعمال 1: 8)

مگر شاگِرد خُوشی اور رُوحُ القُدس سے معمُور ہوتے رہے۔“(اعمال 13 : 52)

  • کہ نشانوں، حیران کُن کاموں اور معجزوں میں اضافہ ہو۔ 

اور تُو اپنا ہاتھ شِفا دینے کو بڑھا اور تیرے پاک خادِم یِسُوعؔ کے نام سے مُعجِزے اور عجِیب کام ظہُور میں آئیں۔“(اعمال 4: 30)

اَے اِسرائیِلیو! یہ باتیں سُنو کہ یِسُوعؔ ناصری ایک شخص تھا جِس کا خُدا کی طرف سے ہونا تُم پر اُن مُعجِزوں اور عجِیب کاموں اور نِشانوں سے ثابِت ہُؤا جو خُدا نے اُس کی معرفت تُم میں دِکھائے۔ چُنانچہ تُم آپ ہی جانتے ہو۔“(اعمال 2: 22)

مَیں تُم سے سچ کہتا ہُوں کہ جو مُجھ پر اِیمان رکھتا ہے یہ کام جو مَیں کرتا ہُوں وہ بھی کرے گا بلکہ اِن سے بھی بڑے کام کرے گا کیونکہ مَیں باپ کے پاس جاتا ہُوں۔“(یوحنا 14: 12) 

اور میری تقرِیر اور میری مُنادی میں حِکمت کی لُبھانے والی باتیں نہ تِھیں بلکہ وہ رُوح اور قُدرت سے ثابِت ہوتی تھی۔ تاکہ تُمہارا اِیمان اِنسان کی حِکمت پر نہیں بلکہ خُدا کی قُدرت پر مَوقُوف ہو۔“(1-کرنتھیوں 2: 4-5)

  • عملی میدان میں کام کرنے والے خادموں کی حفاظت کے لئے ۔

دیکھو مَیں تُم کو بھیجتا ہُوں گویا بھیڑوں کو بھیڑِیوں کے بیچ میں۔ پس سانپوں کی مانِند ہوشیار اور کبُوتروں کی مانِند بے آزار بنو۔“(متی 10: 16)

اُس نے اُن سے کہا مَیں شَیطان کو بِجلی کی طرح آسمان سے گِرا ہُؤا دیکھ رہا تھا۔ دیکھو مَیں نے تُم کو اِختیار دِیا کہ سانپوں اور بِچّھُوؤں کو کُچلو اور دُشمن کی ساری قُدرت پر غالِب آؤ اور تُم کو ہرگِز کِسی چِیز سے ضرر نہ پہنچے گا۔“(لوقا 10: 18- 19)

  • کام کی تکمیل کے لئے درکار ضروری وسائل کی فراہمی کے لئے ۔

میرا خُدا اپنی دَولت کے مُوافِق جلال سے مسِیح یِسُوع میں تُمہاری ہر ایک اِحتیاج رَفع کرے گا۔“(فلپیوں 4: 19)

اور خُدا تُم پر ہر طرح کا فضل کثرت سے کر سکتا ہے تاکہ تُم کو ہمیشہ ہر چِیز کافی طَور پر مِلا کرے اور ہر نیک کام کے لِئے تُمہارے پاس بُہت کُچھ مَوجُود رہا کرے۔“(2- کرنتھیوں 9: 8)

  • ایسی افزائش کے لئے جس کے نتیجے میں تحریکیں لوگوں کے دلوں کو گرما دیں۔ 

پس تُم جا کر سب قَوموں کو شاگِرد بناؤ اور اُن کو باپ اور بیٹے اور رُوحُ القُدس کے نام سے بپتِسمہ دو۔ اور اُن کو یہ تعلِیم دو کہ اُن سب باتوں پر عمل کریں جِن کا مَیں نے تُم کو حُکم دِیا اور دیکھو مَیں دُنیا کے آخِر تک ہمیشہ تُمہارے ساتھ ہُوں۔ “(متی 28: 19-20)

اور خُدا کا کلام پَھیلتا رہا اور یروشلِیم میں شاگِردوں کا شُمار بُہت ہی بڑھتا گیا اور کاہِنوں کی بڑی گروہ اِس دِین کے تحت میں ہو گئی۔ “(اعمال 6: 7)

اور خُدا نے اُن کو برکت دی اور کہا کہ پَھلو اور بڑھو اور زمِین کو معمُور و محکُوم کرو اور سمُندر کی مچھلیوں اور ہوا کے پرِندوں اور کُل جانوروں پر جو زمِین پر چلتے ہیں اِختیار رکھّو۔” (پیدائش 1: 28)

  • دنیا بھر میں دیگر تحریکوں اور شاگرد سازوں کے لئے ۔

تُم سب کے بارے میں ہم خُدا کا شُکر ہمیشہ بجا لاتے ہیں اور اپنی دُعاؤں میں تُمہیں یاد کرتے ہیں۔ اور اپنے خُدا اور باپ کے حضُور تُمہارے اِیمان کے کام اور مُحبّت کی مِحنت اور اُس اُمّید کے صبر کو بِلاناغہ یاد کرتے ہیں جو ہمارے خُداوند یِسُوع مسِیح کی بابت ہے۔ “(1- تھسلنیکیوں  1: 2 -3)

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے