اپنے لوگوں کے لئے خُدا کا دل تلاش کریں اور ایمان کے ساتھ اُس کے مقصد کی تکمیل کے لئے اُس سے دعا کریں ۔

آپ اور آپ کی ٹیم کے پاس ایک مقصد ہے اور وہ یہ ہے کہ آپ تمام قوموں تک بادشاہی کی خوشخبری پہنچانا چاہتے ہیں، چاہے کچھ بھی  ہو ۔( یہ تصور ایک بڑے دل کی صورت میں اس خاکے میں پیش کیا جا رہا ہے) ۔آپ خُدا کے مقصد کو پورا کرنا چاہا رہے ہیں ،نہ کہ اپنے مقصد کو ۔متی 6: 9-10 اور 28: 18-20 ہمیں بتاتے ہیں کہ اُس کی بادشاہی تمام قوموں اور تمام امتوں کے لئے آئے  گی ۔اس مقصد اور تصور کے نتیجے میں لوگوں کی ایک بہت بڑی  بھیڑ ایمان کے دائرے میں داخل ہو گی اور چھوٹے بڑے ہزاروں چرچز  پیدا ہوں گے۔  اس مقصد کے حامل ایماندار اپنی زندگیوں میں بھی تبدیلیاں لاتے ہیں تاکہ وہ اپنے معاشرے میں خُد اکی بادشاہی لانے کا موجب بن سکیں ۔

• چونکہ یہ مقصد بہت ہی بڑا ہے تو آپ اسے بنیادی حصوں میں تقسیم کریں ۔اس سے آپ جان سکیں گے کہ ابتدا  کہاں سے کی جائے ۔ہر معاشرے میں لوگ مختلف  بنیادوں پر رشتے استوار کرتے ہیں، مثلا آس پڑوس میں رہنے والوں کے ساتھ ، کام کے ساتھیوں، دوستوں ،کسی کلب کے ساتھیوں کے ساتھ۔  آپ کا ہدف سادہ سا ہے۔ رائی کے دانے بوتے جائیے(متی 13: 31-33 )تاکہ آپ اُن لوگوں اور اُن سے پرے مزید لوگوں تک رسائی حاصل کر سکیں ۔
• جب آپ دیکھ لیں کہ اُن میں سے ہر جماعت کے اندر تحریک  کی جڑوں نے زور پکڑ لیا ہے اور ایماندورں اور چرچز کی  چا ر جینریشنز  – جی فور – وہاں قدم جما چُکی ہیں تو آپ اگلے مرحلے پر جائیں ( 2 تیمتھیس 2: 2)( اسے نسلوں کے درخت کے ذریعے دکھایا جاتا ہے )۔ CPM کی کامیابی کا اندازہ کم از کم چار نسلوں کے مسلسل بڑھنے سے ہوتا ہے جو کہ ایک مختصر عرصے میں افزائش پائیں ( سالوں یا مہینوں میں نہ کہ عشروں میں )۔ CPM کے موثر اور سر گرم کارکن ایمانداروں یا چرچز کی تعداد کی بجائے ایمانداروں اور چرچز کی  نسلوں کی بنیاد پر اپنی کامیابی کا تعین کرتے ہیں ۔وہ اکثر اپنی تحریک کی کامیابی جنریشن یا نسلوں کے درخت کے ذریعے دکھاتے ہیں ۔

جب تک ہم خُد اکے دل سے واقف نہ ہوں  تو  ہم اُس سے یہ توقع نہیں کر سکتے کہ  وہ معجزات دکھائے۔ وہ کوئی ایسا کام نہیں کرے گا جو اُس کے دل کے مطابق نہ ہو یا اُس کے دل کی خواہش سے کم تر ہو ۔

خُد اکی راہ پر چلنے والے خُد اکے دل کے لئے دعا کریں

خُداوند کے مقصد کی تکمیل کے لئے ضروری ہے کہ آپ مسیح میں زندہ رہ کر ایک بنیاد قائم کریں  ( یوحنا 15: 5، زبور 78 : 72 ، متی 11: 12، 17: 20)( اس کی ترجمانی ایک ایسے شخص کی تصویر سے کی جاتی ہے جس کا دل خُدا میں ہو)۔ پھل وہ ہی لوگ لاتے ہیں جو خُد ا میں رہتے ہیں۔ اس کے علاوہ اس کا کوئی اور طریقہ نہیں ہے۔ اس سے کم کچھ بھی ہو وہ عارضی اور ناقص پھل لائے گا۔ CPM میں مرکزی کردار کرنے والے  خواتین و حضرات کے لئے ضروری نہیں ہے کہ  وہ روحانی طور پر دیگر لوگوں سے بہت بلند ہوں ،لیکن یہ لازمی ہے کہ وہ مسیح میں جیتے ہوں۔ ہو سکتا ہے کہ آپ مسیح میں رہتے ہوئے بھی کو ئی CPM کی تحریک شروع نہ  کر سکیں ۔لیکن اگر آپ اُس میں زندہ نہیں ہیں  تو آپ ایسی کوئی تحریک شروع کر ہی نہیں  سکیں گے ۔ 

• یاد رکھیے خُد اانسانوں کو استعمال کرتا ہے طریقوں کو نہیں ؛ خُد الوگوں کو استعمال کرتا ہے، صرف اصولوں کو نہیں ۔

جب ہم حلیمی کے ساتھ یسوع میں قائم رہتے ہیں تو ہمیں اُس کے ساتھ ساتھ خُدا سے مسلسل اور پُر جوش دعا کرنی ہوتی ہے کہ وہ ہمارے ذریعے اپنا مقصد پورا کرے (متی 6: 9-10، لوقا 10: 2، 11: 5-13، اعمال 1: 14)(اسے گھٹنے ٹیکے ہوئے شخص کے خاکے میں دکھایا گیا ہے )۔چرچز کی تخم کاری کی ہر تحریک کا آغاز ایک دعائیہ تحریک سے ہوتا ہے۔ جب خُد اکے لوگ پورے دل کے ساتھ اُس کے دل کی مرضی پوری ہونے کے لئے روزے رکھتے اور دعا کرتے ہیں تو حیران کُن معجزے  رونما ہونے لگتے ہیں ۔